Sabtu

Kisah Kemarahan...

Kuwai ido emulok yang ekuat mungot.iyoh dai kedapat mengawal nu inawoh niyoh.Insanpena ono ido masalah ewiros ya.Ido runat ,si apa niyoh menaak ido ne guni paku. “kuro’on paku-paku itonoh apa?” ke iyoh si siapa niyoh.

“Ong ikau mungot,elapo’ paku itonoh pakui se rinding watu sedapan walai toko too,mengelapas ungot munoh” ko’oh si apa niyoh.

Ido runat saja,emulok ri minemaku sesuang 37 watang paku se rinding watu.selapas kemuroh ne minggu,ne kekurang oh ungot niyoh ri,suang paku ginuna niyoh mukurang.

Iyoh kerasa,lebi osanang mengawal ungot ungkiat mengebobog nu paku ketembus se rinding watu ri.akhir niyoh nekologa ido runat,iyoh dai yoh mungot ,walau insane kali pun. Inabar niyoh sono si siapa niyoh perkara iri,onu po sono esanang inawo niapa niyoh om sinuo’iyoh mengawot keimbagu paku-paku ri kiawi.

Runat muganti runat om akhir niyo iyoh kedapat mengawot kiawi paku-paku ri ungkiat se rinding wato ri. Emulok ri minongabar si siapa niyoh perkara ri sambil osanag inawoh om obangga.Siapa niyoh pun mengkuyut longon niyo om mengewit iyoh se rinding wato ri om mutangar siapa niyoh “winaal mu landu ewarong lolaingku,nga siowimu kesan owang-owang serinding nu wato noh, rinding oh dai oh sono moinong esiow soko sebelum niyoh. Ong ikau mutangar ido pekara ataupena memaal ido pekara semasa ko mungot, akan mengogol nu kesan parut om pilat, moinong sokoito’’. Ikau bole menebek om mengebunu lobow nu lading.Nga ondomon oh, dai kisah kemuroh ne kali ikau miki map om menasal nu kelakuan muri,namun pilat niyoh tetap kuwai. Pilat se atoi lando esakit ungkiat pilat sekoiwan.

Keluarga om una-una soko peremata esusah eyowon.Siro memaal kawo muayak om mengedorong seikau menuju kejayaan.Siro juga sebagai pengerongow,mukongsi suka om duka om senentiasa mengebuka nu inawo niyo se tekoh. Miki maap aku se kawo kiawi ong aku keberata mengogol kesan owang se rinding nu atoi muyu..

Tiada ulasan:

Catat Ulasan